Лукашэнка: Самыя актыўныя разгорнуць нацыянальна-вызваленчую барацьбу

Шэраг расійскіх СМІ сёння надрукавалі інтэрв'ю, якое Аляксандр Лукашэнка даў расійскім журналістам. У ім ён, у прыватнасці, спыніўся на наступствах уваходжання Беларусі ў склад Расіі.
Вось што сказаў кіраўнік Беларусі: "...нашыя адмарозкі — няхай іх няшмат, адсоткі два, але яны самыя актыўныя. Яны гатовыя разгарнуць нацыянальна-вызваленчую вайну. Ім патрэбная нагода. І вы што думаеце, у іх няма чым ваяваць? Ім заўтра ж прывязуць зброю з Украіны, з Прыбалтыкі, Польшчы. І многія ў грамадстве падумаюць, слухайце, яны ж змагаюцца за незалежнасць, за святое. У нас жа ў Беларусі разумны народ, ён жа мысьліць дакладна так яе расіяне — свая зямля, нікому не аддамо, кашулю рванулі — і пайшлі. Да таго ж гэта канец Лукашэнкі і ўсяго таго, што ён тут зрабіў".