Ля фінскага парламенту патрабавалі свабоды беларускім палітвязням (фота)

У Хельсінкі больш за сто чалавек прыйшлі ўчора на акцыю, арганізаваную Евай Някляевай (дачкой кандыдата ў прэзідэнты) і яе сябрамі.  На акцыі прысутнічалі прадстаўнікі ПЭН-цэнтра, пісьменніцкіх і іншых творчых саюзаў, славутыя дзеячы культуры Фінляндыі, палітыкі, нашыя суайчыньнікі, якія жывуць у Фінляндыі, сярод іншых прысутнічалі мастацкі кіраўнік тэатра "Q" Анці Хіетала, дырэктар тэатра Юха Ёкела, прадстаўнікі фінскага ПЭН-клуба і  Amnesty International.

"Мы не прасілі дазволу на акцыю, як гэта робіцца ў Беларусі — толькі пазванілі ў паліцыю з паведамленнем. І паліцыя нас асцерагла перад вялікім снегападам. Беларусы ж жывуць зусім у іншых умовах", — распавяла Ева Някляева ў эфіры Еўрарадыё.

Прысутныя звярнуліся з адозвай да Еўрасаюзу і фінскага ўраду, каб тыя дапамаглі вызваліць палітвязняў, абралі супольную палітыку ў дачыненнях з беларускім рэжымам.

Акцыя была шырока прадстаўлена на фінскім тэлебачанні, радыё і ў прэсе.






фота: Пате Песоніус