Медыкі баяцца, што ўзнікне гібрыд "свінога" і "птушынага" грыпу

Існуе высокая верагоднасць з'яўлення гібрыда "птушынага" і "свінога" грыпаў. Пра гэта, па звестках "Інтэрфакса", заявіў галоўны санітарны лекар Расіі Генадзь Анішчанка. Калі адбудзецца мутацыя — гэта катастрофа, адзначыў Анішчанка. На шчасце, па яго словах, "гэтага не адбываецца".

Кіраўнік Расспажыўнагляду паведаміў, што пакуль большасць хворых на "свіны грып" пераносяць яго няцяжка.