Медыкі Віцебскай вобласці далучыліся да акцыі, якая праходзіць у Еўропе

Далучыцца да акцыі па раннім выяўленні меланомы скуры, што праходзіць у Еўропе, вырашылі медыкі Віцебшчыны. Адзіны дзень меланомы прызначаны на канец жніўня.  Меланома – гэта адна з найбольш небяспечных злаякасных пухлінаў, якая выяўляецца ў жыхароў Віцебшчыны. Рак скуры ўжо некалькі гадоў стаіць на першым месцы ў сумнай статыстыцы анкалагічных захворванняў.

Плануецца, што 28 жніўня ў першай палове дня кожны грамадзянін будзе мець магчымасць у любой медыцынскай установе атрымаць кансультацыю ў дэрматолага ці анколага.

Ядвіга Сташэўская, Еўрарадыё, Віцебск