Мінчукі сёлета сталі больш купляць вопраткі, пральных машын і кніг

Жыхары беларускай сталіцы сёлета сталі больш купляць вопраткі, пральных машын і кніг. Пра гэта сведчыць Мінскае гарадское ўпраўленне статыстыкі.  Паводле яго звестак, у студзені-ліпені 2008-га, у параўнанні з аналагічным перыядам мінулага года, продаж вопраткі ў сталіцы вырас амаль на 34%. Аднак лідэрам па аб'ёмах продажаў сталі пральныя машыны, бо мінчукі іх купілі на 69,5% больш, чым летась.

Статыстыка сведчыць, што ў вольны час нямала жыхароў сталіцы чытаюць кнігі. Сёлета яны набылі друкаваных выданняў амаль на 12% болей, інфармуе агенцтва "Мінск-навіны".