На чэмпіянаце свету па самба ў беларускі адабралі залаты медаль

13 медалёў заваявалі беларусы на чэмпіянаце свету па самба, які прайшоў у Чэхіі. Нашыя спартоўцы прывезлі на Бацькаўшчыну 6 залатых, 3 срэбраных і 4 бронзавых медалёў.  Найбольшага поспеху дамагліся Анастасія Ляшкова (вага да 62 кг), Юлія Барысік (звыш 80), Андрэй Казусёнак (да 90), Юрый Рыбак (звыш 100), Дзмітрый Базылеў (да 68) і Магамед Абдулганілаў (да 82).

У камандным заліку сярод мужчын беларусы занялі першае месца, сярод жанчын – другое. Прычым, беларускі маглі быць таксама першымі.

Арбітры ў фінале спачатку прысудзілі перамогу Марыі Жарскай (вагавая катэгорыя да 52 кг), а пасля аддалі “золата” прадстаўніцы Манголіі. У выніку беларускую каманду на некалькі ачкоў апярэдзілі расіянкі.

БелаПАН