На плошчы Перамогі ў Мінску на гарышчах жылых дамоў дзяжураць міліцыянты

Пасты міліцыянтаў выстаўленыя каля ўваходаў на гарышчы жылых дамоў на плошчы Перамогі ў Мінску.

Праўдападобна, гэта звязана з прыездам у беларускую сталіцу расійскага прэзідэнта. Мяркуецца, што Пуцін і Лукашэнка ўскладуць вянкі да вечнага агня на плошчы Перамогі.
 
У мэтах забяспячэння бяспекі сёння ў горадзе будуць перакрывацца для руху аўтамабільнага транспарту цэнтральныя вуліцы.

Як стала вядома Еўрарадыё, міліцэйскія пасты плануецца зняць каля 16 гадзінаў.