Нападаючы "Сібіры" Генадзь Блізнюк вярнуўся для лячэння на радзіму

На лячэнне ў Беларусь вярнуўся з Навасібірска нападаючы Генадзь Блізнюк. Як паведамляе "Спорт-экспресс", медыкі паставілі яму дыягназ: вострая кішэчная інфекцыя. Верагодна, ён зноў з'явіцца на полі толькі ў чэрвені.
Дарэчы, у адсутнасць Блізнюка каманда Ігара Крывушэнкі нарэшце атрымала першую перамогу ў прэм'ер-лізе. Сёння "Сібір" на сваім поле перамагла "Растоў" — 2:0. Беларускія футбалісты Дзмітрый Молаш і Ягор Філіпенка адгулялі ўвесь матч.