Нямецкі пенсіянер 200 разоў затэлефанаваў у паліцыю

Высветлілася, што 62-гадоваму мужчыне проста хацелася пагаварыць, а яго хатні тэлефон быў заблакаваны за няўплату. Каб супакоіць пенсіянера, быў накіраваны нарад паліцыі, але ён іх не пусціў у кватэру.

Больш таго, пасля гэтага мужчына яшчэ 30 разоў патурбаваў дзяжурнага ў паліцыйным пастарунку. У выніку, ягоныя тэлефонныя рахункі былі аплачаныя, і ён пакінуў у спакоі знерваваных праваахоўнікаў, паведамляе БЕЛТА.