Па эскізах віцебскай студэнткі выдадзеныя паштоўкі, прысвечаныя Шагалу

Падчас правядзення конкурсу візуальных мастацтваў "Арт-Сесія-2007", што праходзіў вясной у Віцебску, была ўведзеная эксперыментальная намінацыя "Памяці Майстра", прысвечаная 120-годдзю Марка Шагала. Пераможцам намінацыі абяцалі дапамогу ў выданні паштовак. Лепшай была прызнана серыя паштовак студэнткі Віцебскага дзяржаўнага тэхналагічнага ўніверсітэта Тамары Варэйка. З дапамогай музея Марка Шагала па эскізах Тамары выдалі паштоўкі накладам у 500 асобнікаў.

Паводле словаў супрацоўнікаў музея, паштоўкі так спадабаліся наведавальнікам, што амаль усе яны ўжо распрададзеныя.

Ядвіга Сташэўская, Еўрарадыё, Віцебск