Пінскія міліцыянты “вярбуюць” пенсіянераў у вартаўнікі-надомнікі

Каб разабрацца з крадзяжамі з сельскіх крамаў, міліцыянты Пінскага раёна развіваюць сетку вартавых-надомнікаў.
Як правіла, вясковыя крамы, з-за адсутнасці грошаў, месцяцца ў старых, не абсталяваны сігналізацыяй, будынках. Таму, крадзяжы ў некаторых з іх здараюцца па некалькі разоў за год. Злачынцы найчасцей бяруць спіртное, цыгарэты і закуску.

Міліцыя у такіх выпадках не можа аператыўна адрэагаваць на здарэнне і прыязджае позна.

Каб спыніць крадзяжы, міліцыянты вярбуюць пенсіянераў-валанцёраў, якія жывуць побач з крамамі. Ім ў дамы праводзіцца прасцейшая сігналізацыя, і іх задача проста патэлефанаваць у міліцыю. Акрамя таго, вартавыя-надомнікі павінны паведамляць аб падазроных людзях і машынах, якія з’явіліся ў вёсцы.