Прышчапляць беларусаў ад свінога грыпу будуць "жывой" расійскай вакцынай

Расійская “жывая” вакцына супраць “свінога” грыпу праходзіць рэгістрацыю ў Беларусі. Пасля гэтага пачнецца яе пастаўка ў краіну, паведамляе "Інтэрфакс-Захад".
Як паведамлялася раней, наша краіна плануе закупіць 1 мільён доз вакцыны. Прышчэпкі змогуць зрабіць 500 тысяч чалавек.

Гэта супрацоўнікі так званых жыццёва важных службаў: медыкі, камунальнікі, супрацоўнікі шэрагу падраздзяленняў міліцыі і ратавальнікі.

Акрамя таго, плануецца дадаткова набыць вакцыну для ўсіх жадаючых. Яе можна будзе зрабіць за ўласны кошт як у дзяржаўных, так і ў прыватных паліклініках.