Расійскі бізнесмен падараваў беларускім школьнікам аўтобус і апаратуру

Новы аўтобус і камплект гукаўзмацняльнай апаратуры коштам больш за 130 мільёнаў беларускіх рублёў падараваў пінскаму раённаму цэнтру культуры і сярэдняй школе ў вёсцы Калавуравічы расійскі бізнесмен Фёдар Клюка — ураджэнец гэтай вёскі.
Прыехаўшы на сустрэчу выпускнікоў, Клюка засмуціўся слабай матэрыяльнай базай устаноў адукацыі і культуры. У выніку ён вырашыў дапамагчы сваім землякам.

Цяпер вучні пішуць былому аднавяскоўцу падзяку і хочуць зноў запрасіць да сябе.

Алесь Літоўчык, Еўрарадыё, Пінск