Расійскія мытнікі затрымалі кітайца, які спрабаваў вывезці савецкія манеты
Кітайца затрымалі супрацоўнікі Далёкаўсходняй мытні Расіі. Ён спрабаваў вывезці ў Кітай шэраг рэчаў, якія адносяцца да "культурных каштоўнасцяў". У багажы кітайца былі знойдзеныя старыя савецкія фотаапараты і 170
аднарублёвых манет СССР. Цяпер праводзіцца экспертыза. Грамадзяніну
Кітаю пагражае да сямі гадоў турмы альбо штраф у 50 тысяч долараў,
паведамляе ИТАР-ТАСС.
