Бабруйскага актывіста АГП "запрасілі" на 10 сутак паўторна
Віктару Бузінаеву затэлефанавалі ўвечары 26 снежня і папрасілі прыйсці ў міліцыю зранку ў аўторак.
Інспектар Тарабуеў, як паведамляе сайт ucpb.org, сказаў, што на актывіста прыйшла судовая пастанова: яго асудзілі на 10 сутак. Бузінаеў быў здзіўлены, бо 10 сутак па гэтым абвінавачанні ўжо адседзеў з 3 па 13 снежня.
Бузінаеў запатрабаваў, каб яму даслалі позву. Аднак інспектар заявіў, што пры няяўцы актывіста яго даставяць прымусова.
