Беларусь і Расія гатовыя падпісаць дамову па пастаўках газу ў лістападзе
Перамовы правялі намеснік прэм'ер-міністра Беларусі Сяргей Румас і старшыня праўлення “Газпрома” Аляксей Мілер.
31 кастрычніка бакі працягнулі ўзгадненне дакументаў, якія вызначаюць ўмовы пастаўкі і транспарціроўкі расійскага газу праз Беларусь. Таксама былі абмеркаваныя ўмовы павелічэння долі "Газпрома" у прадпрыемстве "Белтрансгаз" з 50% да 100%. Румас і Мілер выказалі ўзаемную ўпэўненасць у тым, што патрэбныя дакументы будуць гатовыя да падпісання ў лістападзе, паведамляе БелТА.
