Беларускую дэлегацыю на саміце Усходняга партнёрства ўзначаліць Гайсёнак
Беларускае МЗС вырашыла, каго накіруюць на саміт Усходняга партнёрства ў Варшаву.
Афіцыйную дэлегацыю ўзначаліць амбасадарам Беларусі ў Польшчы Віктар Гайсёнак. Пра гэта агенцтву БЕЛТА паведаміў прэс-сакратар МЗС Андрэй Савіных. Нагадаем, што саміт пройдзе 29 і 30 верасня.
Раней выказвалася меркаванне, што беларускую дэлегацыю можа ўзначаліць міністр замежных справаў Сяргей Мартынаў.
Гайсёнак выступіць на пленарным паседжанні саміту з ацэнкай вынікаў і перспектываў супрацы ва Усходнім партнёрстве. Беларуская дэлегацыя таксама прыме ўдзел у іншых мерапрыемствах саміту.
