Біятланістку Дар'ю Домрачаву ў аэрапорце сустракаў старшыня КДБ
Як вядома, Вадзім Зайцаў ачольвае Беларускую федэрацыю біятлону.
Мінулай ноччу ў Нацыянальным аэрапорце Мінск сустракалі жаночую каманду Беларусі па біятлоне, якая вярнулася з Нямеччыны са збору. Там былі і заўзятары, і журналісты, і чыноўнікі.
Адна з найлепшых біятланістак свету Дар'я Домрачава падзякавала за такую цёплую сустрэчу. "Вельмі прыемна, калі ты ведаеш, што тваім перамогам радуецца ўся краіна", — цытуе яе словы БЕЛТА.
Вадзім Зайцаў адзначыў, што сёлетні сезон — "адзін з самых паспяховых у гісторыі беларускага біятлону" і, безумоўна, заслуга ў гэтым належыць Домрачавай.
У сераду кіраўніцтва беларускай зборнай і Дар'я Домрачава правядуць прэс-канферэнцыю ў Мінску.
Фота — bymedia.net
