Больш 200 падворкаў падтоплена ў Брэсцкай і Гомельскай абласцях
Жыццезабеспячэнне населеных пунктаў не парушана, вядзецца сталы маніторынг гідралагічнага становішча, аказваецца дапамога насельніцтву ў адпампоўцы вады.
Больш 200 падворкаў падтоплена ў Брэсцкай і Гомельскай абласцях. Пра гэта карэспандэнту БЕЛТА паведамілі ў прэс-службе Міністэрства па надзвычайных сітуацыях Беларусі.
Так, з-за моцнага раставання снега, дажджоў, высокага ўзроўня грунтавых вод і выйсця на пойму ракі Заходні Буг у Брэсце і Брэсцкім раёне падтоплена 198 падворкаў, 200 садовых участкаў і каля 200 га сельгасугоддзяў.
Акрамя таго, з-за ўздыму ўзроўня вады ў Прыпяці, дзе вада выйшла на пойму, у Гомельскай вобласці ў 13 населеных пунктах падтоплена 26 падворкаў і 10 гаспадарчых пабудоў.
Як адзначылі ў МНС, з улікам таго, што ў найбліжэйшыя дні чакаецца пахаладанне, паводкавая сітуацыя можа стабілізавацца.
Фота: svaboda.org
