Браслаўскія бібліятэкары зладзяць беларускамоўны "флэш-моб"
Адбудзецца ён y Міжнародны дзень роднай мовы.
Флэш-мобам яны называюць запланаванае мерапрыемства, нягледзячы на тое, што доўжыцца яно будзе ўвесь працоўны дзень, а не некалькі хвілін, як прадугледжвае “класіка жанра”.
21 лютага супрацоўнікі Браслаўскай цэнтральнай бібліятэкі маюць намер гаварыць з наведвальнікамі выключна на беларускай мове і чакаюць ад іх таго ж. А каб у чытачоў быў час згадаць колькі беларускіх словаў, аб “флэш-мобе” ў раённай бібліятэцы іх папярэджваюць загадзя.
