Бясплатны праезд мінскім студэнтам адменяць з 1 ліпеня
Раней меркавалася гэта зрабіць з 1 чэрвеня. Рашэнне пра новую дату прынятае на сесіі Мінгарвыканкама 25 красавіка.
Адмена ільготы не распаўсюджваецца на вучняў агульнаадукацыйных школ горада. Праект рашэння сесіі Мінгарвыканкама яшчэ трэба зарэгістраваць у Міністэрстве юстыцыі, перадае БелаПАН.
Раней старшыня Мінгарвыканкама Мікалай Ладуцька заяўляў, што, магчыма, з верасня студэнтам вернуць бясплатны праезд. Але разглядацца гэтае пытанне будзе толькі ў жніўні.
Фота — aif.by
