Для замежнікаў могуць стварыць базу па медыцынскім турызме
Такую прапанову выказаў дырэктар дэпартаменту знешнеэканамічнай дзейнасці МЗС Аляксандр Авяр’янаў.
Выступаючы на выязным паседжанні Міжведамаснага экспертна-каардынацыйнага савета па турызме пры Саўміне, ён адзначыў, што ў краіне дагэтуль няма ніякай адзінай базы ўсіх медыцынскіх установах, якія прапануюць паслугі замежнікам. Уся інфармацыя вельмі разрозненая. Чыноўнік лічыць, што стварэнне адзінай базы лепей зарыентуе замежных турыстаў, перадае БЕЛТА.
Для рэкламы такіх паслуг варта падключаць турыстычныя фірмы. А ў консульскіх пунктах неабходныя яскравыя буклеты, у якіх можна прачытаць пра ўсе медыцынскія паслугі, што прапануюць замежным гасцям у нашай краіне.
