Дырэктара лагера звольнілі, бо замест дзяцей ён засяліў рабочых
Загад аддаў старшыня Мінгарвыканкама Мікалай Ладуцька.
Дырэктар лагера "Зорны" Дэпартамента па авіяцыі напярэдадні дзіцячай аздараўленчай кампаніі самавольна засяліў лагер працоўнымі з Маладзечна. Кіраўнік Мінгарвыканкама ўжо даў загад звольніць дырэктара з займанай пасады. Аб гэтым паведаміў начальнік прадстаўніцтва Мінскага гарадскога ўпраўлення Рэспубліканскага цэнтра па аздараўленні і санаторна-курортным лячэнні насельніцтва Валерый Гаруноў:
"Мэр сказаў: начальніка лагера звольніць, лагер адкрыць. Усё будзе рэалізавана. Таму лагер будзе працаваць. Мы ўжо трэці год будзем завозіць туды дзяцей інвалідаў-калясачнікаў — там створана безбар'ернае асяроддзе. І 1080 школьнікаў".
