Дзіцячую філармонію ў Мінску даводзяць да ладу з ранку да ночы
Урачыстая цырымонія адкрыцця Дзіцячай філармоніі павінна адбыцца ў сталіцы Беларусі 10 верасня.
Такое заданне даў кіраўнік Мінгарвыканкаму Мікалай Ладуцька.
Ладуцька: "Трэба завяршыць працы ў поўным аб'ёме. Цяпер мастакі прыступілі да мастацкага афармлення. Неабходна распрацаваць дэталёвы графік правядзення работ, арганізаваць працоўны працэс з 7 да 23 гадзін, а таксама ў суботу".
Дзіцячая філармонія размяшчаецца ў адноўленым будынку царквы Святога Духа на плошчы Свабоды. У Дзень горада Мінска там запланаваны першы канцэрт камернай музыкі, у якім прыме ўдзел таленавітая творчая моладзь.
