Дзяржкантроль змусіў магілёўскіх камунальнікаў вярнуць гораду 83 млн рублёў
Камітэт дзяржкантролю выявіў, што гэтыя сродкі былі неабрунтавана атрыманыя ў якасці субсідый у 2008-2010 гадах.
Грошы даваліся як кампенсацыя выдаткаў на тэхнічнае абслугоўванне і рамонт жылога фонду, у тым ліку на падтрыманне парадку на замацаваных за прадпрыемствамі тэрыторыях. Аднак разлік прыбіраных плошчаў аказаўся завышаным. У выніку работнікам ЖЭУ Кастрычніцкага раёна наліваліся лішнія заробкі.
За парушэнні пакараныя 11 службовых асобаў прадпрыемства. Сем чалавек панеслі дысцыплінарную адказнасць, паведамляе mycity.by.
