ЕС вылучыць на краіны "Усходняга партнёрства" 130 мільёнаў еўра
Гэтая сума будзе выдаткаваная на працягу 2012-2013 гадоў.
Грошы прызначаюцца на падтрымку інстытуцыйных і сектарных рэформаў у краінах "Усходняга партнёрства", паведамдяе УНІАН. Адпаведнае рашэнне ўхваліла Еўракамісія.
У прыватнасці, Еўракамісія зацвердзіла праграму інтэграцыі і супрацоўніцтва "Усходняга партнёрства", якая павінна спрыяць паскарэнню палітычнай асацыяцыі і эканамічнай інтэграцыі краін — удзельніц праграмы з ЕС.
Прадугледжваецца, што падзел сродкаў паміж шасцю краінамі-ўдзельніцамі будзе вызначацца паводле прынцыпу "больш за большае" і будзе залежаць ад прагрэсу ў сферы паглыблення дэмакратыі.
Фота — nv-online.info
