Еўрасаюз можа пайсці на змены ў Лісабонскай дамове
Аб гэтым пасля нядзельных перамоваў у Брусэлі заявіў прэзідэнт ЕС Херман Ван Рампей.
У нядзелю ў Брусэлі пачаўся саміт Еўрасаюза. Лідары краін-членаў ЕС пагадзіліся пры неабходнасці пайсці на "абмежаваныя змены" Лісабонскай дамовы, каб дапамагчы еўразоне выйсці з крызісу.
У сустрэчы ўдзельнічалі лідары 27 дзяржаў аб'яднанай Еўропы, у тым ліку брытанскі прэм'ер Дэвід Кэмеран і канцлер Нямеччыны Ангела Меркель.
Ніякіх падрабязнасцяў перамоваў, якія тычацца магчымых змяненняў Лісабонскай дамовы, пакуль не апублікавана, паведамляе ВВС.
