Гомельскія актывісты дэмакратычных арганізацый правялі малітву салідарнасці
Гомельскія актывісты руху "За Свабоду" і ініцыятывы "Маладая Беларусь" правялі малітву салідарнасці з людзьмі, пацярпелымі ў час мітынгу 19 снежня.
Як паведаміў БелаПАН лідар абласной арганізацыі руху "За Свабоду" Пётр Кузняцоў, маладыя людзі сабраліся вечарам 19 студзеня ў саборы Пятра і Паўла, дзе паставілі свечкі і папрасілі Багародзіцу дапамагчы ўсім ахвярам палітычных рэпрэсій у Беларусі.
"Прайшло ўсё спакойна, хаця было заўважна, што за намі назіраюць", — адзначыў Кузняцоў.
"Сітуацыя ў краіне такая, што на беззаконнасць скардзіцца абсалютна бессэнсоўна: хоць у суд, хоць у пракуратуру. Дык хоць Богу", - дадаў ён.
