Іранцы спазняюцца на аўкцыён па продажы МТС, бо не атрымалі візы
Нагадаем, што беларуская дзяржава вырашыла выставіць на адкрыты аўкцыён сваю долю акцый кампаніі мабільнай сувязі МТС.
Зацікаўленасць выказала іранская кампанія Toseye Etemad Mobin, перадае БЕЛТА. Кампанія належыць Міністэрству сувязі Ірана. Аднак топ-мэнэджары іранскай фірмы не змаглі наведаць прэзентацыю МТС, бо не паспелі атрымаць беларускія візы.
Аўкцыён па продажы беларускай дзяржаўнай долі акцый МТС прызначаны на 1 снежня. Дзяржава хоча прадаць сваю долю акцый за 1 млрд долараў. Запрашэнні на ўдзел у прэзентацыі аўкцыёну Міністэрства сувязі і інфарматызацыі разаслала 50 сусветным кампаніям.
