Капітанам хакейнай зборнай на чэмпіянаце свету будзе Канстанцін Кальцоў
Гаворка ідзе пра бліжэйшы чэмпіянат свету-2013 у Стакгольме і Хельсінкі.
Вырашана, што капітанам каманды стане форвард падмаскоўнага "Атланта". Пра гэта паведаміў журналістам галоўны трэнер каманды Андрэй Скабелка, перадае БЕЛТА. Па словах трэнера, Кальцоў нядрэнна спраўляецца з гэтымі абавязкамі.
Канстанціну Кальцову 17 красавіка спаўняецца 32 гады. Ён быў капітанам зборнай Беларусі на чэмпіянаце свету-2009 у Швейцарыі. Тады наша каманда пад кіраўніцтвам Глена Хэнлана дабралася да чвэрцьфіналу, саступіўшы расіянам з лікам 3:4. Адну з шайбаў у браму зборнай Расіі закінуў тады Кальцоў.
Фота — atlant-mo.ru
