Кіраўніц мінскага прытулку падазраюць у крадзяжах сірочых грошай
Расследаваннем крымінальных справаў займаецца Следчы камітэт.
Як піша "Ежедневник", дзвюх жанчын вінавацяць у крадзяжы шляхам злоўжывання службовымі паўнамоцтвамі, учыненым па папярэдняй змове ў буйным памеры. Калі справа дойдзе да суда, то ім пагражае да 10 гадоў пазбаўлення волі з канфіскацыяй маёмасці.
Крадзяжы ў Мінскім раённым сацыяльна-педагагічным цэнтры адбываліся на працягу апошніх трох гадоў. Паводле звестак следства, дырэктарка з намесніцай у красавіку 2010 года фіктыўна аформіла работніка, які насамрэч фактычна не працаваў у цэнтры. Аднак усе тры гады яму налічваўся заробак, які жанчыны дзялілі міжсобку.
Паводле папярэдніх падлікаў следства, за тры гады жанчыны скралі больш за 50 мільёнаў сірочых рублёў.
Фота — mk.ru
