Клічаўскі лясгас за год зарабіў на пілавінні 300 тысяч еўра
Лясгас вырабляе 350-380 тон паліўных брыкетаў у месяц. Яны ідуць на экспарт у Данію і Нямеччыну, перадае “Радыё Магілёў”.
Галоўны ляснічы Клічаўскага лясгасу Алег Селіх адзначае, што сыравіна фактычна нічога не каштуе, бо гэта адкіды. Раней даводзілася займацца іх утылізацыяй. Цяпер тона пілавіння каштуе блізу 100 еўра.
Вытворчасць паліўных брыкетаў была наладжаная год таму і з’яўляецца дастаткова эканамічнай: у якасці паліва пры вырабе выкарыстоўваецца ўсё тое ж пілавінне.
