Квіткі на чэмпіянат свету па хакеі пачнуць прадаваць праз паўгода
Першыя квіткі на чэмпіянат свету па хакеі 2014 года ў Мінску паступяць у продаж у сакавіку-красавіку 2013 года.
Пра гэта паведаміў старшыня Мінгарвыканкама Мікалай Ладуцька на паседжанні аргкамітэта па падрыхтоўцы да мерапрыемства.
Таксама кіраўнік сталіцы паведаміў, што цяпер у Мінску ідзе будаўніцтва цэлага шэрага новых гатэляў, перадае БелаПАН. Так, неўзабаве адкрыецца трохзоркавы гатэль на 100 месцаў па вуліцы Інтэрнацыянальнай. Пасля рэканструкцыі ўвядуць у эксплуатацыю "Прэзідэнт-гатэль" і гатэль "Палёт". Гасцей чэмпіянату плануецца рассяляць таксама ў студэнцкіх інтэрнатах і дзіцячых летніках.
