Лепшаму форварду футбольнага чэмпіянату Беларусі зрабілі аперацыю ў Італіі
Дзмітрый Мазалеўскі атрымаў пашкоджанне падчас нядаўняга таварыскага матчу зборных Беларусі і Літвы.
Матч скончыўся ўнічыю 1:1, Дзмітрый Мазалеўскі адыграў толькі першы тайм.
Як паведамляе "Прессбол", у клініцы ў Рыме Мазалеўскаму зрабілі аперацыю на калене. Паведамляецца, што аперацыя прайшла паспяхова і ў канцы тыдня 27-гадовы форвард БАТЭ вернецца на радзіму. Аднак на аднаўленне спатрэбіцца, як мінімум, месяц.
Як вядома, Дзмітрый Мазалеўскі з'яўляецца лепшым бамбардзірам чэмпіянату краіны, у яго на рахунку 7 забітых мячоў. Толькі нядаўна ён залячыў траўму і вярнуўся на поле.
Фота — football.by
