Моцны вецер перакуліў павільён на транспартным прыпынку ў Віцебску
Апоры павільёну вырваліся з зямлі разам з тратуарнай пліткай і канструкцыя павалілася. На прыпынку былі людзі.
Здарылася гэта 9 красавіка прыкладна а 18.00. На шчасце, ніхто з людзей, што чакалі транспарту, не пацярпеў. Разам з павільёнам прыпынку паваліўся рэкламны шчыт.
Хуткасць ветру ў Віцебску ў гэты дзень сягала 16 метраў за секунду, паведамляюць “Народныя навіны Віцебска”.
Фота: Народныя навіны Віцебска
