МВФ: Рэзервы Беларусі па-ранейшаму застаюцца на нізкім узроўні
Пра гэта заявіў у Мінску кіраўнік місіі Міжнароднага валютнага фонда Крыс Джарвіс.
Адказваючы на пытанне пра тое, ці здольная Беларусь сама плаціць па сваіх пазыках, ён адзначыў:
“Я думаю, што Беларусь здольная самастойна выплачваць сваю знешнюю пазыку перад МВФ і іншымі крэдыторамі. Натуральна, пры ўмове працягу той грашова-крэдытнай палітыкі, якая праводзіцца зараз. Для Беларусі гэта нашмат больш важна, чым атрыманне новага фінансавання”.
У той жа час, Крыс Джарвіс нагадаў, што "[золатавалютныя] рэзервы Беларусі па-ранейшаму застаюцца на нізкім узроўні".
