На Слонімшчыне адзначылі Дзень памяці Міхала Валовіча (фота)
Імпрэза прайшла 1 ліпеня ў вёсцы Парэчча Слонімскага раёна.
Менавіта ў гэтай мясцовасці 206 год таму нарадзіўся беларускі рэвалюцыянер Міхаіл Валовіч, адзін з кіраўнікоў паўстання 1830-1831 гадоў на тэрыторыі Беларусі.
Арганізавалі мерапрыемства прадстаўнікі Слонімскага згуртавання дэмакратычных сіл. Аднак сюды таксама завіталі і невядомыя людзі з відэакамерамі.
Падчас імпрэзы адбылася прэзентацыя новай кнігі Сяргея Чыгрына "Такі іх лёс", а таксама шахматны турнір.
