Нікаля Сарказі заклікаў саджаць наведнікаў экстрэмісцкіх вэб-сайтаў
Такая заява прагучала ад яго пасля інфармацыі пра забойства "тулузскага стралка" Махамеда Мера.
Па словах прэзідэнта Францыі, наведнікі экстрэмісцкіх сайтаў заслугоўваюць не меншага пакарання, чым наведнікі старонак з дзіцячай парнаграфіяй, паведамляе РБК. Прэзідэнт Францыі, аднак, не растлумачыў, як будзе дзейнічаць гэтая сістэма пакаранняў. Ніякіх каментароў журналісты не атрымалі і ў Міністэрстве юстыцыі краіны.
Тым часам журналісты і юрысты мяркуюць, што прапанаваныя Сарказі меры дазволяць ураду на законных падставах увесці цэнзуру. Праўда, іншыя тлумачаць заяву французскага прэзідэнта блізкай выбарчай кампаніяй.
