Новы прэм’ер Італіі збіраецца заставацца на пасадзе да 2013 года
Марыё Монці заявіў, што хоча заставацца на чале ўрада краіны да моманту, калі павінны адбыцца чарговыя выбары.
Новы парламент Італіі павінен быць абраны не раней 2013 года. Аднак меркавалася, што Монці абвесціць пазачарговыя выбары адразу пасля адабрэння пакета эканамічных рэформаў, якія афіцыйны Рым абяцаў Еўрапейскаму саюзу, паведамляе ВВС.
Нагадаем, што Марыё Монці прыйшоў на змену скандальнаму Сільвіё Берлусконі. Той быў вымушаны сысці ў адстаўку праз эканамічныя праблемы.
