Пад Мінскам ЗІЛ з салдатамі сутыкнуўся з мікрааўтобусам (Фота)
Здарэнне адбылося каля 5 гадзін вечара 25 траўня на аўтамабільнай дарозе Мінск-Калодзішчы каля будаўнічага рынку "Уручча".
ЗІЛ сыходзіў ад сутыкнення з прыдарожным дрэвам, якое падала ад ветра. Аўтамабіль выехаў на паласу сустрэчнага руху, дзе сутыкнуўся ў лоб з мікрааўтобусам. Кіроўцу легкавога аўтамабіля заціснула ў салоне. Як паведамляецца на форумах, яму адрэзала кончыкі пальцаў на руках, супрацоўнікі МНС выратавалі яго, паведамляе Ale.by.
Участак дарогі ад павароце да будаўнічага рынку ў бок "Экспабела" быў часова зачынены для руху.
