Пасля 1 ліпеня колькасць увезеных аўто зменшылася ў 50 разоў
Пра гэта 15 верасня паведаміў намеснік старшыні Дзяржаўнага мытнага камітэта Сяргей Барысюк.
Нагадаем, з 1 ліпеня ўніфікаваныя стаўкі мытаў на аўтамабілі, якія прывозяцца на тэрыторыю Мытнага саюза. Гэтыя стаўкі шматразова ўзраслі ў параўнанні з тымі, што былі раней у Беларусі.
Па звестках Барысюка, якія перадае БелаПАН, з 1 ліпеня па 1 верасня ў нашу краіне было ўвезена каля 5 тысяч транспартных сродкаў. Гэта і легкавыя аўтамабілі, і пасажырскія ды грузавыя мікрааўтобусы.
