Пра сітуацыю ў Мінску можна даведацца па спецыяльным тэлефоне
З'явіліся тэлефонныя лініі, па якіх жыхары ўсёй краіны могуць атрымаць інфармацыю пра сітуацыю ў сталіцы.
Лініі адкрытыя для таго, каб спыніць сярод насельніцтва распаўсюд чутак пра падарваныя аўтобусы ды іншыя няісныя факты. Пра гэта заявіў старшыня Мінгарвыканкаму Мікалай Ладуцька.
Ладуцька: "У нас сёння кантактны агульнарэспубліканскі тэлефон вісіць 142. Набраў яго — адразу атрымаў аператыўны адказ. У нас дзейнічае інфармацыйная служба ўнутраных спраў. У ёй працуе каля 15 супрацоўніц. Вы набралі нумар — гарантавана атрымліваеце адказ. Сёння Мінгарвыканкам адкрыў кантакт-цэнтр. Гэта значыць, інфармацыйных каналаў для таго, каб атрымаць інфармацыю з першых рук, дастаткова".
