Пракуратура: чалавечыя косткі ў сцяну трапілі з будматэрыяламі
Пракуратура Кастрычніцкага раёна Віцебска ня стала пачынаць крымінальную справу па факце знаходкі чалавечых костак у сцяне аднаго з жылых будынкаў.
Нагадаем, падчас рамонту са сцяны старога будынка вываліліся фрагменты пазваночніка ды некалькі рабрынаў. Спецыялісты высветлілі, што косткі чалавечыя. Да таго ж, у сцяну была замураваная дзіцячая рыдлёвачка.
Праваахоўныя органы палічылі, што косткі трапілі ў сцяну разам з будаўнічымі матэрыяламі адразу пасля вайны. Таму пачынаць крымінальную справу не мае сэнсу.
