Салігорск амаль суткі без вады, улады абяцаюць сёння ўсё выправіць
З вечара 18 кастрычніка жыхары горада застаюцца як без гарачай, так і без халоднай вады.
Прычынай сталі "непаладкі пры планавым пераключэнні вадаправодных ліній". Над іх ліквідацыяй цяпер працуе каля 30 спецыялістаў, інфармуе БЕЛТА.
Паведамляецца, што вада ўжо пачала паступаць у сістэму водазабеспячэння раённага цэнтра. Аднак для таго, каб вада патрапіла на ўсе аб'екты горада, патрэбны час. Чыноўнікі кажуць, што на падачу цяпла ў будынкі адсутнасць вады не паўплывала.
Нагадаем, у пачатку верасня з-за аварыі на калектары на суткі без вады засталіся жыхары Барысава (на здымку).
