Сёння назавуць кандыдатаў на пасаду галоўнага трэнера хакейнай зборнай
Раней кіраўнік Федэрацыі хакея Яўген Ворсін заяўляў, што варыянтаў будзе шмат.
Новы галоўны трэнер зборнай краіны павінен замяніць Эдуарда Занкаўца, які пайшоў у адстаўку пасля правальнага выступу беларусаў на чэмпіянаце свету ў Славаччыне. Там нашы спартоўцы занялі толькі 14-е месца. Перад новым настаўнікам будзе стаяць задача падрыхтаваць каманду да Алімпіяды ў Сочы.
Канкрэтныя імёны магчымых кандыдатаў пакуль не называліся. Вядома толькі, што ў спіс прэтэндэнтаў не трапіць канадскі спецыяліст Глен Хэнлан, пад кіраўніцтвам якога зборная Беларусі дамаглася найлепшага выніку на чэмпіянатах свету. У 2006 годзе ў Рызе ён вывеў беларусаў на 6-е месца.
