Шасцёра жодзінцаў атрымалі тэрміны і штрафы за парнаграфію
Суды па гэтых крымінальных справах адбыліся ў 2012 годзе. Выпадкі ніяк між сабой не звязаныя.
Паводле звестак пракуратуры Мінскай вобласці, парнаграфічныя матэрыялы распаўсюджваліся праз сеткі мясцовага правайдэра ТАА “Сеткі плюс”. Напрыклад, адзін з абвінавачаных спампаваў сабе файлы з “клубнічкай”, размясціў іх і захоўваў у сябе на працоўным кампутары для іх публічнай дэманстрацыі.
Чацвёра абвінавачаных атрымалі турэмныя тэрміны да 3,5 гадоў, яшчэ двое аштрафаваныя на 25 і 10 мільёнаў рублёў адпаведна, паведамляе БелаПАН.
У пракуратуры адзначаюць, што злачынствы сталі магчымымі з-за нядбайнага стаўлення адміністрацыі “Сеткі плюс” да кантролю за лакальнай сеткай.
