Сёння ў Мінскім гарадскім судзе будзе разглядацца справа Пачобута
У пятніцу ў Мінскім гарадскім судзе будзе разглядацца пратэст пракуратуры на рашэнне суда, якім журналіста "Газеты Выборчай" Андрэя Пачобута пакаралі штрафам.
Даведацца перад працэсам чаго канкрэтна хоча пракурор не ўдалося, распавёў Пачобут на сваім блозе.
"Калі рабіць прагноз, то думаю заўтра рашэнне адменяць і накіруюць справу на новы разгляд. Прымаць рашэнне па палітычным справам ў другой інстанцыі не любяць, лепш перакінуць на некага іншага... Хіба, што спецзаказ", - лічыць Пачобут.
