Цяжарную Таццяну Гацуру аштрафавалі на 700 тысяч рублёў
У залу суда двое чалавек у цывільным не пусцілі праваабаронцаў і журналістаў.
Працэс вёў суддзя Аляксандр Хадановіч. Суд абвешчаны адкрытым. Аднак невядомыя ў цывільным паабяцалі, што будуць выводзіць з будынку суда, калі журналісты паспрабуюць трапіць на працэс, перадае Радыё "Свабода". У чым вінавацяць Таццяну, суддзя прысутным не паведаміў.
Гацуру прызналі вінаватай у парушэнні законаў аб масавых мерапрыемствах. Нагадаем, што некалькі дзён таму яна з дзецьмі прайшла да Адміністрацыі прэзідэнта з расцяжкай супраць смяротнага пакарання.
