У Аршанскім раёне браканьеры застрэлілі мядзведзіцу (фота)
Акурат у студзені ў мядзведзіц пачынаюць нараджацца медзведзяняты.
Тушу забітай браканьерамі мядзведзіцы знайшоў работнік адной з паляўнічых гаспадарак раёна. Між тым бурыя мядзведзі ўнесеныя ў Чырвоную кнігу Беларусі.
Побач з застрэленай у галаву мядзведзіцай супрацоўнікі Аршанскай міжрайінспекцыі знайшлі патрон 12-га калібра і сляды паляўнічых сабак. Па слядах яны выйшлі да аўтамабіля. Кіроўцы машыны затрымалі і даставілі ў аддзяленне міліцыі для праверкі.
Як паведамляюць "Народныя навіны Віцебска", шкода прыродзе Віцебшчыны ацэньваецца на амаль 10 мільёнаў рублёў. Браканьеру пагражае да шасці гадоў пазбаўлення волі.
Фота: "Народныя навіны Віцебска"
