У Баранавічах асудзілі трох "нудыстаў" і шукаюць чацвёртага
Нагадаем, што здарэнне адбылося 4 жніўня. Чацвёра нецвярозых мужчын прайшлі галяком па цэнтры Баранавічаў да вадаёма за Лядовым палацам.
Як паведамляе "Intex-press", на судзе мужчыны патлумачылі, што прычынай паходу стала спрэчка. Яны паспрачаліся, што распрануцца дагала і пройдуць так па Савецкім праспекце. Суд прызначыў двум гараджанам па 6 месяцаў арышту, трэцяга асудзіна на 1,5 года пазбаўлення волі. Яшчэ адзін прадстаўнік "параду нудыстаў" знаходзіцца ў вышуку.
